استيقظ فجاة المسؤولون كيف اعطيتو الجيران التراخيص والهن ايام وايام ومن سنين وكيف عمتعترفو انو الفرن معو ترخيص بس مزور يعني الترخيص من عندكم والتزوير منكم واليكم والسلام عليكم فشو ذنب المستثمر

شو هو الحال يا باطل على الزمن العاطل

يعني اذا انسأل سيادة المحافظ اللواء زاهد عن سبب استمرار عمل المشروع رغم تبين مخالفته ويا ريت مخالفة بسيطة " تزوير ترخيص" شو بدو يجاوب برأيكم يعني " بيقول وضع البلد ما بيسمح نطبق القانون بالعكس يا سيدي أنا ما كون محل سيادة المحافظ بعمل نفس الشي يعني لو هو استكمل اجراءات الترخيص صح من البداية ودفع كم ليرة زيادة لخزينة الدولة كان بشهر عوضهم بس الطماع طماع وللسادة المعلقين ولا تواخذوني على قولة المثل " الرقاصة الفكحة بتقول عن الأرض مايلة " واللي ما بيعرف يروح يسأل عن انجازات سيادة المحافظ بريف دمشق بس أهم شي نكون نحنا متعاونين مع السلطات ونكون شوي صبورين وقانونيين لأنو القصة مو سلئ بطاطا هي أمانة ومسؤولية " وإذا أردت أن تطاع فاسأل المستطاع " والمستثمر اللي جاية وربي أسألك نفسي يعني آخر همو موظفينو والدولة اللي عم يشتغل على أرضها بالناقص منو ومن مصرياتو

سيريانديز منشان الله يا جماعة تعوا شوفوا حارتنا بنجها... لا زفت ولا ماء ونهر صرف صخي مفتوح قدام بيوتنا و و و و هي تاني مرة بطلب منكم تعملوا تقرير عن وضعنا وبطنشونا..... ليش؟؟؟ لا تقولوا فيه تزوير كمان.... من وين بدنا نلاقيها لنلاقيها..... من المسؤول وللا من الصحافة.... التزوير معبى البلد ولو m.nassr@hotmail.com يا أخي بدنا وسيلة إعلامية يكون قلبها معنا ومننا وفينا.... بدنا وسيلة إعلامية يهمها جرحنا وتسعى لتعالج مشاكلنا..... بدنا منبر يمثلنا يا سيريانديز... بدكن وللا منشوف غيركن

لما بكون الشروع قيد الِإستثمار من باب أولى نشوف شو المشاكل و نحلها حتى لانقطع برزق العمال ولا صاحب العمل و من باب أولى نشوف كل المشاريع التي تعمل بنفس المنطقة شلون عمتشتغل و نطبق القاون عالكل مو خيار و فقوس و ليش حتى نستنا يفتح وبعدين نسكر المشروع و تكون الخسائر كبيرة لازم يكون الشئ منطقي من أولها و ماحدا بيفتح هيك مشاريع إلا ماياخد كل الموافقات لأنو متل مامنعرف لايمنح المستثمرون في سوريا الإذن بمباشرة العمل بدون حصولهم على الموافقات الرسمية

حسب ماعرفت أنو معن ترخيص هالقد قدو من الجهات الرسمية و متلن متايل في نفس المنطقة و الكل بحكمن نفس القانون ليش هنو تسكر مشروعن و غيرن عميشتغل...................!!!!!! لأنو مابيعرفو أنو الرزقة مكتوبة و الله أعلم شو الأسباب و مين وراها

أنا شايف مو معقول مستثمر يفتح مشروع بسوريا بهالحداثة و الرقي متل ماشفناه على الواقع يكون غير حاصل على الموافقات المطلوبة و إذا في شي خطأ بكون من جراء صعوبة الروتين و تعدد الموافقات و برأيي مافي شي مالو حل وليش لحتى نخسر هيك حضارة بالبلد و خاصة أنو متعدد الأعمال ( خبز و كعك و حلويات و معجنات و سناك و بوفيه و تراس و غذائيات و كاتو و بوظة ) بصراحة بالصيفية هي ماشفت متل أعدته و بتمنى كل مين بدو يعلق يروح يشوف منشان مايكون تعليقو مو بمحلو و يعتر حالو محلو

ياحرام عليكن كنت زور أحبابي و أهلي بسوريا و آخدلن معي خبز لبناني يفرحو فيه أكتر من قطعة دهب ولما فتح أول فرن من شي ست سبع سنين صارو يجاكرونا أنو ماعدنا بعازتكن هلق عمبتمصخر عليهن و قلن شو ماعجبتكن الحضارة مرجوعكن لعنا بعد ماتتسكر كل المنشآت الحضارية عنكن لأنو متل مامنعرف كل المنشآت متل بعضها هلق روحو لأي منشأة بتلاقو عندها أكتر بكتير مشاكل من هالفرن المسكين بس يمكن مدعومين ماحدا بحيب سيرتن الله يتلطف فيهن

سيادة المحافظ نحن مع محاربة وقمع المخالفات ولكن جميع المخالفات وبدون استثماء او انتقاء سيادة المحافظ نرجو من سيادتك ان تولي الخدمات والطرقات وخاصة الطرقات الزراعيه - التي حرمت قرى اللاذقيه منها- الاهتمام اكثر وهنالك مخالفات بناء تشكل قنابل موقوته في ريف دمشق لماذا لم تلحظها عنايتكم

يا حرام أديش بينزعل على يلي بيكون معو مصاري ما بتاكلها النيران وبيعمل مشروع على أرض بدون ما يدفع حقها وهوي كل همو يشغل ولاد بلدو مو الربح يلي وراء المشروع حاجي تبيعونا مواعظ القانون قانون والأوامر واضحة وحاجي تحطوا السبب على المسؤولين وخاصة التار يلي صار واضح بينك وبين المحافظ مع العلم أنو ازالة المخالفات بكل المحافظات بس أنت ما بتشوف الا ريف دمشق

يعني انا ما عم افهم انو امتا بدنا نصير نحترم القوانين يعني اذا مستثمر صار لازم ينط عل قوانين و على كتاف البلد مطعم ابو العز طلع معمر بالغوطة اللي ممنوع يندق فيها بسمار و هلا الله العليم شو بتطلع قصة هالفرن يعني اذا ظروف البلد هيك بيلتغى القانون و ماعاد حدا يرد على حداو كل مين بدو يشتغل على كيفو وبكرا بيطلع نفس الصحفي و بيقول شوفو التسيب و و المخالفات شي بيحير

نطلب من حكومتنا ........ ومن أولي الأمر ..... وبشكل واضح ... لا لبس فيه ....بيان حقيقة الاستثمار في سوريا............ كفانا بيروقراطية ...........كفانا ............ منشان توقيع........منشان مصالح ........منشان طابع ............. منشان ؟؟؟؟؟ شوفوا تجارب البلدان ......... بس حدا يفتح مشروع ، بتلاقي كل الدولة صاريت تدعمه ........ بشتى الوسائل ..... إلا عنا ... بس حدا يفكر يفتح مشروع ... بتلاقي الكل عم يوقف بوجه ...... ليش ما بعرف ..... هي سوريا ............ يا جماعة هي سوريا ......... بدنا نقدم لقدام ........ نطالب السادة المسؤولين كافة توضيح الصورة ........ بشكل واضح ... وان تكون اسباب الاغلاق ..... موجبة ....لحجم هكذا استثمار ........... كفانا ضحك على الذقون ......... كانت الناس قبل 6سنوات تروح على شتورا من اجل ربطة خبز ......... بقى كفاية .... خلونا نتقدم للأمام ............ مو نرجع لوار ..............